१७ माघ २०८०, बुधबार
काठमाडौं। उच्च अदालत पाटनका न्यायाधीश मरासेनीको मङ्गलबार हृदयघातका कारण ५६ वर्षको उमेरमा निधन भएको थियो । उच्च अदालत पाटनले न्यायाधीश मातृकाप्रसाद मरासेनीको निधनमा आज शोक बिदा दिने निर्णय गरेको छ ।
आज उच्च अदालत पाटन, हेटौँडा इजलास र मातहतका सम्पूर्ण जिल्ला अदालतमा शोक बिदा दिने निर्णय गरेको अदालतका प्रवक्ता तीर्थराज भट्टराईले जानकारी दिएका छन् ।
हृदयघात भएपछि उनलाई उपचारका लागि कलङकीस्थित नेपाल नेशनल अस्पताल पुर्याइएको थियो भने उपचारका क्रममा उनको निधन भएको थियो ।
उनको हिजो साँझ पशुपति आर्यघाटमा अन्त्येष्टि गरिएको छ ।
प्रकाशित मिति: १७ माघ २०८०, बुधबार
