नियुक्तिपत्र बुझेकै दिन नियुक्ति रद्द

काठमाडौं। नेपाल विद्युत् प्राधिकरणले प्राविधिक सेवा, ईलेक्ट्रिकल समूह र उपसमूह, तह ५, सुपरभाइजर पदहरूको नियुक्तिपत्र रद्द भएको जनाएको छ । लोक सेवा आयोगमार्फत सञ्चालन गरेको पदपूर्ति परीक्षामा कानुनी प्रश्न उठेपछि नियुक्ति लिइसकेकाहरूको नियुक्तिपत्र नै रद्द भएको हो ।

त्यस्तै, परीक्षार्थीले माघ १४ मा लिएको नियुक्तिपत्र रद्द गरिएको हो । प्राधिकरणले विज्ञापन गरेको गत मङ्सिर २७, २८, २९ र पुस २१ मा प्रकाशित नतिजा तत्काल कार्यान्वयन नगर्नुरनगराउनु भनी सर्वोच्च अदालतबाट आदेश भएकोले रद्द गरिएको प्राधिकरणले सूचना मार्फत जानकारी गराएको छ ।

उक्त अदालतको अन्तरिम आदेश अनुसार पुस १४ गते नियुक्ति दिइएका विज्ञापन नम्बर २०७९ /८० प्रा.५/४०३ (काठमाडौं), विज्ञापन नम्बर २०७९/८० प्रा. ५ /५०३ (पोखरा) र विज्ञापन नम्बर २०७९/८० प्रा.५/६०३ (बुटवल) को अदालतबाट अर्को आदेश प्राप्त नभए सम्मको लागि रद्द गरिएको प्राधिकरणले जनाएको छ ।