डाक्टरलाई बलात्कार गरेको आरोपमा नर्स पक्राउ

३० फागुन, एजेन्सी। डाक्टरलाई बलात्कार गरेको आरोपमा नर्स पक्राउ परेका छन् । भारतको भारतको केरला राज्यमा एक महिला डाक्टरलाई बलात्कार गरेको आरोपमा एक पुरुष नर्स पक्राउ परेका हुन् ।

भारतीय प्रहरी अधिकारीका अनुसार पक्राउ पर्नेमा निशम बाबु रहेका छन् । उनले २८ वर्षीय डाक्टरलाई कोइम्बटूरको एक अस्पतालमा नयाँ जागिर दिने झूटो आश्वासन दिएर होटलमा लगेका थिए ।

उनले त्यहाँ पुगेकी महिला डाक्टरको नग्न तस्बिर खिचेर सोही तस्बिरको त्रास देखाएर बलात्कार गरेको प्रहरीले जानकारी दिएको छ  । निशमले महिलाको नग्न तस्बिरहरू सामाजिक सञ्जालमा सार्वजनिक गरे पछि महिला डाक्टर प्रहरीकोमा उजुरी गर्न गएकी थिइन् ।

अहिले उनलाई आईपीसीको धारा ३७६ (बलात्कार) र सूचना प्रविधि ऐन २००० को धारा ६७ ए अनुसार मुद्दा दर्ता गरी कानुनी प्रक्रिया सुरू गरिएको जानकारी दिइएको छ ।