१२ माघ २०८०, शुक्रबार
काठमाडौं। आईसीसी यू-१९ विश्वकपअन्तर्गत समूह चरणको आफ्नो अन्तिम खेलमा नेपालले अफगानिस्तानविरुद्ध तेस्रो विकेट लिएको छ ।
शुक्रबार दक्षिण अफ्रिकाको इस्ट लन्डनस्थित बफेलो पार्कमा जारी खेलमा टस हारेर बलिङमा आएको नेपालका आकाश चन्दले नेपाललाई तेस्रो सफलता दिलाएका हुन् ।
त्यस्तै, आकाशले पाँचौँ ओभरको पाँच बलमा अफगानिस्तानका जम्सिद जद्रानलाई बोल्ड गरे । यसअघि खेलको पहिलो ओभरमा गुल्सन झाले र दोस्रो ओभरमा आकाशले नै नेपाललाई पहिलो र दोस्रो सफलता दिलाएका थिए ।
जारी खेलको ७ ओभर समाप्त हुँदा अफगानिस्तानले तीन विकेट गुमाएर २६ रन जोडेको छ ।
प्रकाशित मिति: १२ माघ २०८०, शुक्रबार
