काठमाडौं । नेपाल प्रिमियर लिग (एनपिएल) को तेस्रो सिजनमा चितवन राइनोजका बलर रिजन ढकालले ओमोडाको कार प्राप्त गरेका छन् ।
तेस्रो सिजनमा सर्वोत्कृष्ट खेलाडी भएपछि रिजनले कार पाएका हुन् । चितवन प्लेअफमा पुग्दा उनले उत्कृष्ट बलिङ गरेका थिए । रिजनले ८ खेलबाट १७ विकेट लिँदै सर्वाधिक विकेटकर्ता भए । चितवन दोस्रो क्वालिफायरसम्म पुगेको थियो । उनी उत्कृष्ट बलर पनि भए । यसबापत उनले पल्सर बाइक पनि प्राप्त गरे । उत्कृष्ट ब्याटर विराटनगर किङ्सका लोकश बम भए । उनले पनि पल्सर बाइक पाए । उनी यस सिजन सर्वाधिक रनकर्ताको सूचीमा दोस्रो स्थानमा थिए । उनको टोली प्लेअफमा भने पुग्न सकेन । प्लेअफमा नै पुग्न नसकेको पोखरा एभेन्जर्सका ब्याटर युवराज सामरा सर्वाधिक रनकर्ता हुन् ।
स्कट कुग्गेलिनले १० खेलबाट १४ विकेट लिए । सामराले २९४ रन र लोकेशले २४२ रन जोडे । सामराले चार खेलमा र लोकेशले सात खेलमा बनाएका हुन् ।
प्रकाशित मिति: ५ मंसिर २०८३, शनिबार