५ माघ २०८०, शुक्रबार
खलङ्गा,दार्चुला। दार्चुला जिल्ला सदरमुकाम खलङ्गाबाट महेन्द्रनगरतर्फ जाँदै गरेको सु.प.प्र.०२ ००१ ख १०३१ नंको बस महाकाली नगरपालिका–५ स्थित डम्पिङ साइड नजिकै आज बिहान दुर्घटना हुँदा १५ जना यात्रु घाइते भएका छन् ।
उक्त जिल्ला प्रहरी कार्यालय दार्चुलाका सूचना अधिकारी ज्ञानेन्द्रबहादुर सिंहलेका अनुसार घाइतेमध्ये एकजना गम्भीर, दुईजना मध्यम र अन्यको सामान्य अवस्था छ भने घाइतेको जिल्ला अस्पताल दार्चुलामा उपचार भइरहेको छ ।
सो बस सडकबाट करिब २० मिटर तल खसेको जनाइएको छ ।
प्रकाशित मिति: ५ माघ २०८०, शुक्रबार
