४ माघ २०८०, बिहीबार
काठमाडौं। सशस्त्र प्रहरी बलकी सिपाहीसमेत रहेकी बक्सिङ खेलाडी निता गोसाईं मृत फेला परेकी छन् । २८ वर्षीया गोसाईं भक्तपुर नगरपालिका वडा नम्बर ८ स्थित आफ्नै घरमा मृत अवस्थामा फेला परेको भक्तपुर प्रहरीले जनाएको छ ।
डिएसपी बसन्त पाठकका अनुसार गोसाईं मृत फेला परेपछि प्रहरीले एक पुरुषलाई नियन्त्रणमा लिएर अनुसन्धान अघि बढाएको छ। गोसाईंका परिवारले ती पुरूषविरूद्ध आत्महत्या दुरुत्साहन कसुरमा जाहेरी दिएका थिए।
गोसाईंको केही समयपछि विवाह गर्ने तयारी थियो। गोसाईले आत्महत्या गरेको प्रहरीको अनुमान रहेको छ।
प्रकाशित मिति: ४ माघ २०८०, बिहीबार
