४ माघ २०८०, बिहीबार
काठमाडौं। बाजुराको स्वामिकार्तिक खापर गाउँपालिकाकी उपाध्यक्ष मैना जोशीको निधन भएको छ ।
५२ वर्षको उमेरमा आज बिहान करिब ३ बजे आफ्नै घरमा निधन भएको निमित्त प्रमुख प्रशासकिय अधिकृत अमर बहादुर रोकायाले बताएका छन् । स्थानीय तह चुनावमा जोशी नेपाली काङ्ग्रेसबाट उम्मेदवार भई उपाध्यक्षमा निर्वाचित भएकी थिइन् ।
निमित्त प्रमुख प्रशासकिय अधिकृत रोकायाका अनुसार उपाध्यक्ष जोशी क्यान्सरबाट पीडित थिइन् भने ललितपुरको किष्ट अस्पतालमा उपचार गराएर हालै उनलाई घर लगिएको थियो ।
उक्त गाउँपालिकाले आज शोक प्रस्ताव पारित गर्दै गाउँपालिकामा शोक बिदा दिएको रोकायाले बताए ।
प्रकाशित मिति: ४ माघ २०८०, बिहीबार
