४ माघ २०८०, बिहीबार
काठमाडौं। सांसद राजेन्द्रलक्ष्मी गैरेले कर्णालीको हिल्सा क्षेत्रमा आफूहरू अनुगमनका लागि पुग्दा त्यहाँका जनताले हामीलाई नेपालसँग जोडिदेऊ भनेको बताएकी छन् । बिहीबार संसद्को राष्ट्रिय सरोकार समितिको बैठकमा बोल्दै उनले सो कुरा बताएकी हुन् ।
त्यस्तै लिगण्ड्की कोरिडोरमा बुरिंताल क्षेत्रमा पहिरोले धेरै सास्ती दिएको बताउँदै त्यसको व्यवस्थापनमा ध्यान दिन आग्रह समेत गरिन् । उनले शिद्दवाबा क्षेत्रलाई पनि व्यवस्थित बनाउनुपर्ने बताइन् । सांसद गैरेले काली गण्डकीमा बनाइएका संरचना पनि बलियो नभएको बताइन् ।
उनले भनिन्– ‘पाल्पामा राम्दिदेखी रानीमहलसम्म अवरुद्ध छ। रानी महललदेखि रिडीसम्म राम्रो छ। अर्थमन्त्रीलाई पनि मैले बजेट ल्याउने बेला बजेटमा विभेद गर्नुभयो भनेकी थिएँ।’
सांसद गरैले तानसेनमा घरभित्र पानी छिरेर त्यहाँका बासिन्दा रातभरी निदाउन नसक्ने बताएकी छन् ।
प्रकाशित मिति: ४ माघ २०८०, बिहीबार
