२ माघ २०८०, मंगलवार
काठमाडौं। कुकुरको आक्रमणबाट जोगिएका बाँकी च्याङ्ग्रा बिक्री भएका छन् । थापाथलीस्थित खाद्य व्यवस्था तथा व्यापार कम्पनी लिमिटेडको बागमती प्रदेश कार्यालयले बाँकी २२ वटा च्याङ्ग्रा बिक्री गरेको हो ।
त्यस्तै, च्याङ्ग्राको मूल्य ११ सय २५ रुपैयाँ प्रतिकिलो थियो र १० प्रतिशतले घटाएर १ हजार १५ प्रतिकिलो रुपैयाँमा बिक्री गरिएको थापाले जानकारी दिएकी छन् । मर्ने अवस्थामा पुगेका पशुको उद्धार गर्दा राम्रो हुने भन्दै बौद्धधर्म मान्ने लामाहरूले च्याङ्ग्राहरू एकमुस्ट खरिद गरेको उनको भनाई रहेको छ ।
उक्त कम्पनीको खोरमा पर्वका लागि ल्याएका ४७ वटा च्याङ्ग्रामा राखिएका थिए । तीमध्ये २५ वटा च्याङ्ग्रा कुकुरको आक्रमणबाट मरेपछि बाँकी २२ वटालाई कम्पनीले बिक्री गरेको कम्पनीकी प्रमुख ज्ञानु थापाले बताइन् । घाइते भएका च्याङ्ग्रामा रेबिज नभएको पुष्टि भएसँगै सो च्याङ्ग्राको १० प्रतिशत मूल्य घटाएर बिक्री गरेको गरिएको हो । करिब ६ लाख रुपैयाँमा ती च्याङ्ग्रा बिक्री गरिएको थापाले सुनाइन् ।
उनका अनुसार ती च्याङ्ग्रा खानुभन्दा धार्मिक प्रयोजनका लागि खरिद गरिएको हो ।
प्रकाशित मिति: २ माघ २०८०, मंगलवार
