२९ पुष २०८०, आईतवार
बीरगन्ज। झारफुक गर्ने बहानामा १३ वर्षीय नाबालिगलाई बलात्कार गरेको अभियोगमा बारामा एकजना पक्राउ परेका छन् ।
जिल्ला प्रहरी कार्यालयमा परेको उजुरीको आधारमा शनिबार झारफुक गर्ने एक पुरुषलाई पक्राउ गरिएको प्रहरीले जनाएको छ । प्रहरीका अनुसार बाराको महागढीमाई नगरपालिका–२ बस्ने ३० वर्षीय आकाश मण्डल जबरजस्ती करणी गरेको आरोपमा पक्राउ परेका हुन् ।
प्रहरीका अनुसार केही समयदेखि झारफुक गर्ने काम गर्दै आएका मण्डलकोमा झारफुक गराउन पुगेकी बालिकालाई जबरजस्ती करणी गरेको प्रारम्भिक अनुसन्धानमा खुलेको छ ।
बाराका प्रहरी प्रवक्ता दधिराम न्यौपानेले सर्लाहीबाट आएकी नाबालिगलाई झारफुक गर्ने बहानामा बलात्कार गरेको उजुरी पर्नासाथ पीडकलाई पक्राउ गरिएको बताएका छन् ।
जबरजस्ती करणी गरेको आरोपमा पक्राउ परेका मण्डललाई प्रहरी हिरासतमा राखी अनुसन्धान प्रक्रिया अगाडि बढाइएको र आज उनीमाथि म्याद थपको तयारी गरिएको बाराका प्रहरी प्रवक्ता न्यौपानेले बताएका छन् ।
प्रकाशित मिति: २९ पुष २०८०, आईतवार
