२७ पुष २०८०, शुक्रबार
काठमाडौं। नेपाल पुलिस क्लबले प्रधानमन्त्री कप एक दिवसीय राष्ट्रिय प्रतियोगिताका लागि दिपेन्द्र सिंह ऐरीको कप्तानीमा टिम घोषणा गरेको छ ।
उक्त टिममा राष्ट्रिय टिमबाट खेलेका ११ खेलाडी छन् भने सो टिममा कुशल भुर्तेल, करण केसी, आरिफ शेख, ललित राजवंशी, अर्जुन साउद र दिलीप नाथ छन् । अर्जुन साउदले यसअघिको प्रधानमन्त्री कप भने आर्मीबाट खेलेका थिए ।
त्यस्तै अमित श्रेष्ठ, सुनिल धमला, ललित राजवंशी, सागर ढकाल, शंकर राणा, राशिद खान, ललित भण्डारी र रोशन बुढा पनि पुलिसको टिममा छन् ।पुलिसको टिमको प्रशिक्षकमा टिमका पूर्व कप्तान रहेका मञ्जित श्रेष्ठ रहनेछन् भने एक दशक भन्दा लामो समय मञ्जितले पुलिसको कप्तानी गर्दा दर्जन बढी उपाधि जिताएका थिए ।
प्रधानमन्त्री कप खेल्ने पुलिसको टोलीमा दिपेन्द्र सिंह ऐरी ९कप्तान०, कुशल भुर्तेल, करण केसी, आरिफ शेख, अर्जुन साउद, दिलीप नाथ, अमित श्रेष्ठ, सुनिल धमला, ललित राजवंशी, सागर ढकाल, शंकर राणा, राशिद खान, ललित भण्डारी र रोशन बुढा छन् ।
नवौँ राष्ट्रिय खेलकुदमा पुलिसको पुरुष टिमलाई कप्तानको रूपमा स्वर्ण दिलाएका उनले पुरुष टिमको प्रशिक्षक भने पहिलो पटक बनेका हुन् । उनले पुलिसको महिला क्रिकेट टिमलाई प्रशिक्षकको रूपमा पनि स्वर्ण जिताएका थिए ।
प्रकाशित मिति: २७ पुष २०८०, शुक्रबार
