२७ मंसिर २०८०, बुधबार
काठमाडाैं। अर्थमन्त्री डा. प्रकाशशरण महतले कोरोनाको बीमा दाबी भुक्तानीमा झुटो विवरण पेस भएको दाबी गरेका छन् । अर्थ मन्त्रालयमा बुधबार पत्रकार सम्मेलन गर्दै अर्थमन्त्री महतले सो जानकारी दिएका हुन् ।
उनले वास्तविक विवरण आएपछि बीमाको भुक्तानी हुने स्पष्ट पारे । सरकारले कोरोना बीमाको दाबी भुक्तानीका लागि १० अर्ब रुपैयाँ निकासा गर्नुपर्नेछ। करिब १ लाख विमितले कोरोना बिमाबापतको रकम पाउन बाँकी छ ।
त्यसैगरी, उनले कोरोना बीमाको भुक्तानीका लागि आएका दाबी शङ्कास्पद देखिएपछि त्यसको पुनः अनुसन्धान भइरहेको समेत बताएका हुन् ।
।
प्रकाशित मिति: २७ मंसिर २०८०, बुधबार
