२६ मंसिर २०८०, मंगलवार
काठमाडौं। भिजिट भिसामा खाडी मुलुक पठाउन नक्कली कागजात बनाउने कार्यमा सहयोग गरेको आरोपमा नेपाल वायु सेवा निगमका एक जना अधिकृत पक्राउ परेका छन् ।उक्त प्रकरणमा प्रहरीले यसअघि कन्सल्टेन्सीका सञ्चालकसहित १३ जनालाई पक्राउ गरिसकेको छ ।
उपत्यका अपराध अनुसन्धान कार्यालय, बानेश्वरले अधिकृत होमनाथ पोख्रेललाई पक्राउ गरेको एसपी रवीन्द्र रेग्मीले बताएका छन् । उनले भने, ‘आज थप अनुसन्धानका लागि हिरासतमा राख्न म्याद थप गरेर ल्याएका छौं ।’
त्यस्तै, भिजिट भिसामा कामदार पठाउने गिरोहबारे अनुसन्धान गर्दै जाँदा वायु सेवा नियमका अधिकृत पोख्रेलको पनि संलग्नता खुलेको एसपी रेग्मीले बताएका छन् ।
प्रकाशित मिति: २६ मंसिर २०८०, मंगलवार
