२४ फाल्गुन २०७९, बुधबार
२४ फागुन, काठमाडाैँ। जापानमा कार्यरत एक नेपालीको निधन भएको छ । जापानमा कुकको काम गरिरहेका नेपालीको निधन भएको हो ।
निधन हुनेमा बागलुङको गलकोट नगरपालिका वडा नम्बर ७ का ४३ वर्षीय पदमबहादुर चोखाल रहेका छन् । उनको हृदयघातका कारण निधन भएको बताइएको छ ।
आफ्नो आफ्नो नियमित कामबाट घर फर्केर श्रीमतीसँगै खाना खाएर सुतेका चोखाल सोही ठाउँमा मृत अवस्थामा फेला परेको बताइएको छ । उनी विगत १४ वर्षदेखि जापानमा बसिरहेका थिए ।
उनकी नेपालमा एक छोरी रहेको बताइएको छ । उनी श्रीमतिसँग जापानको सिनगावा नजिकै बस्दै आएका थिए । उनको अन्तिम संस्कार जापानमै गर्ने तयारी भइरहेको जनाइएको छ ।
प्रकाशित मिति: २४ फाल्गुन २०७९, बुधबार
