२४ मंसिर २०८०, आईतवार
काठमाडौं। टेलिभिजन रियालिटी शो ‘द भ्वाइस अफ नेपाल’ सिजन पाँचको ‘लाइभ राउण्ड’ अर्को शुक्रबारदेखि सुरु हुँदै छ । शनिबार सकिएको नकआउट राउण्डबाट १२ प्रतिस्पर्धी आगामी चरणमा प्रवेश गरेका छन् । त्यस्तै, एकजना कोचको समूहमा तीनजना प्रतिस्पर्धी हुनेछन् भने नकआउट राउण्ड निकै रोचक रह्यो र लाइभ राउण्ड अझै मनोरञ्जक बन्ने निश्चित रहेको छ ।
उक्त टीम मिलन नेवारबाट फेथम ब्याण्ड, बिनोद राई र तृजा प्रधान लाइभ राउण्डमा प्रवेश गरेका छन् भने सो टीम उदय सोताङबाट कुमार प्रयास, रोजिना बस्नेत र विवेक बस्नेत पनि आगामी चरणमा प्रवेश गरेका छन् ।
त्यस्तै, टीम प्रमोद खरेलबाट प्रशान्त शिवाकोटी, तेन्जिङ डोल्मा गुरुङ र नोर्गेन लिम्बु लाइभ राउण्डमा प्रवेश गरेका छन् भने सो टीम राजेशपायल राईबाट मोनिका राई, हेन्जन मकर बहादुर र आश्विन राई प्रवेश गरेका छन् ।
सो लाइभ राउण्डका लागि आफूलाई मन पर्ने प्रतिस्पर्धीका लागि दर्शकले भोट गर्न सक्नेछन् भने भोटिङ पनि खुला भएको जनाइएको छ । यो चरणबाट जजको अधिकार दर्शकको हातमा पुगेको छ । दर्शकको भोटबाट विजेता चयन हुनेछन् ।
उक्त ‘भ्वाइस अफ नेपाल’ हिमालय टिभी एचडीबाट प्रत्येक शुक्रबार र शनिबार राती ८ बजे प्रसारण हुँदै आएको छ ।
प्रकाशित मिति: २४ मंसिर २०८०, आईतवार
