२१ फाल्गुन २०७९, आईतवार
२१ फागुन, काठमाडाैँ। फिल्म ‘छक्का पञ्जा ४’को डिजिटल राइट किनेको ओएसआरले साइबर ब्युरोमा उजुरी दिएको छ । फिल्मका क्लिपहरू टिकटकमा देखिन थालेपछि ओएसआरले उजुरी दिएको हो ।
यसरी फिल्मका क्लिप अनुमति बिना सार्वजनिक गर्नु अपराध भएको भन्दै पाइरेसी रोक्नका लागि साइबर ब्युरोमा उजुरी दिएको ओएसआरका ओम अग्रवालले जानकारी दिएका छन् ।
उनले महँगोमा यस फिल्मको डिजिटल राइट खरिद गरेको बताउँदै पाइरेसी नरोकिए आफुहरू बर्बाद हुने भन्दै जसरी भए पनि यो क्रम रोक्ने बताए ।
शुक्रबारदेखि नेपालभर प्रदर्शन भइरहेको फिल्मले उत्साहजन व्यापार गरिरहेको छ । दीपक राज गिरी र दीपाश्री निरौलाको समूहले निर्माण गरेको फिल्ममा दीपकराज गिरी, दीपाश्री निरौला, बेनिशा हमाल, रमेश बुढाथोकी, बुद्धि तामाङ, केदार घिमिरे, निर्मल शर्मा, नीर शाह, अनुराग कुवँर, राज आचार्य लगायतको अभिनय रहेको छ ।
प्रकाशित मिति: २१ फाल्गुन २०७९, आईतवार
