२१ फाल्गुन २०७९, आईतवार
२१ फागुन, काठमाडाैँ। नेपाली महिलामात्रै सम्मिलित टोलीले काठमाडाैँ – युएई तर्फको उडान भरेका छन् । नेपाल वायुसेवा निगमको इतिहासमा पहिलो पटक दुई जना महिला पाइलटले सँगै उडान गरेको हो ।
पाइलट भावना पन्तले निगमको इतिहासमा पहिलो पटक यस्तो भएको बताइन्। उक्त उडानमा को – पाईलट शृजना रावत रहेकी थिइन् ।
पाइलट पन्तले महिलाहरूले मात्रै अन्तर्राष्ट्रिय उडान गर्न पाउदा आफुलाई भाग्यमानी ठानेको बताइन्। उनले उनका शुभचिन्तकहरु प्रति धन्यवाद समेत व्यक्त गरेकी छिन् ।
गैरआवासीय नेपाल संघ (यूएई) ले उनीहरूलाई विमान युएई विमान स्थलमा पुगेपछि स्वागत समेत गरेको थियो । उनीहरूको स्वागतका लागि गैरआवासीय नेपाली संघको यूरोप क्षेत्रीय संयोजक मनोज गोर्खाली, एनआरएनए युएईका उपाध्यक्ष निरंजन सिलवाल र शोभा शर्मा विमानस्थल पुगेका थिए ।
प्रकाशित मिति: २१ फाल्गुन २०७९, आईतवार
