२२ कार्तिक २०८०, बुधबार
काठमाडौं। नेकपा (एमाले) ले मंसिर १४ गतेदेखि बैतडीको झुलाघाटदेखि पाँचथरको चिवाभन्ज्याङसम्म विशेष अभियान सञ्चालन गर्ने निर्णय गरेको छ । केन्द्रीय कार्यालय च्यासलमा बुधबार बसेको सचिवालय बैठकले मध्यपहाडी-पुष्पलाल लोकमार्गकेन्द्रित विशेष अभियान सञ्चालन गर्ने निर्णय गरेको उपमहासचिव प्रदीप ज्ञवालीले बताएका छन् । उक्त अभियान तयारीका लागि मंसिर ६ गते केन्द्रीय कमिटी बैठक बोलाउने निर्णय पनि सचिवालय बैठकले गरेको छ भने सो केन्द्रीय समिति बैठक काठमाडौंमा बस्नेछ । उक्त अभियान तीन साता चल्नेछ भने एमालेले यो अभियानलाई ‘समृद्धिका लागि महाअभियान’ भनेको छ । अभियानको नेतृत्व अध्यक्ष केपी शर्मा ओलीले गर्ने छन् ।
प्रकाशित मिति: २२ कार्तिक २०८०, बुधबार
