भुकम्प प्रभावित क्षेत्र केन्द्रीत रक्तदानमा नेविसंघ

काठमाडौंः नेविसंघले भुकम्प प्रभावित क्षेत्र केन्द्रीत रक्तदान गर्ने भएको छ । यसका लागि उज्जवल बज्राचार्यको संयोजकत्वमा तीन सदस्यीय समिति समेत गठन भएको नेविसंघले जनाएको छ । समितिमा प्रविण घिमिरे र जयराम बडाल सदस्य रहेका छन् ।

संयोजक बज्राचार्यका अनुसार रक्तदान २४ सै घण्टा सञ्चालन गरिनेछ । यसका लागि रक्तदातालाई सम्पर्क गर्न आग्रह गरिएको छ । रक्तदाता र रक्त समूहको विवरण संकलन भइरहेको उनले जानकारी दिए । रक्तदान त्रिवि शिक्षण अस्पत्ताल महाराजगञ्जमा हुनेछ ।