१३ लाख २० हजार रुपैयाँसहित एक भारतीय नागरिक पक्राउ

जनक पुरधाम ।  महोत्तरीको सदरमुकाम जलेश्वरबाट स्रोत नखुलेको १३ लाख २० हजार रुपैयाँसहित एक भारतीय नागरिक पक्राउ परेका छन् । पक्राउ पर्नेमा भारत विहारको सितामढी बेला पंचायत बस्ने ४० वर्षीय अरुण पंजियार रहेका छन् । जलेश्वर तर्फ आउँदै गरेको ना३ख २८७८ नम्बरको बसलाई रोकेर चेकजाँच गर्दा  पंजियारको साथबाट स्रोत नखुलेको १३ लाख २० हजार नियन्त्रणमा लिई थप अनुसन्धान गरिरहेको जिल्ला प्रहरी कार्यालय महोत्तरीले जनाएको छ । उनलाई आइतबार दिउँसो जलेश्वर नगरपालिका वडा नं- ७ वखरी चोक स्थित सम्सीबाट जलेश्वर तर्फ आउँदै गरेको उक्त बसबाट नियन्त्रणमा लिएको हो ।