३ कार्तिक २०८०, शुक्रबार
धादिङ । छैटौँ प्रधानसेनापति अन्तर्राष्ट्रिय त्रि एड्भेन्चर प्रतियोगितामा त्रिभुवन आर्मी क्लब ए टिम प्रथम भएको छ । धादिङस्थित ६ नं वैरेनी ब्यारेकमा ६ दशमलव ५ किलोमिटर दौड, २६ किलोमिटर साइकलिङ र ११ किलोमिटर र्याफ्टिङ प्रतियोगिता भएको हो । उक्त खेलको तीन वटा चरण दौड, साइकलिङ र र्याफ्टिङ पार गर्दै त्रिभुवन आर्मी क्लब ए टिम विजय भएको छ भने त्रिभुवन आर्मी क्लब बि टिम दोस्रो भएको छ । त्यस्तै तेस्रोमा इन्डियन आर्मी ए टिम रहेको छ भने इन्डियन आर्मी बि टिम चौथो, एमटिबी स्टार पाँचौँ भएको छ ।
महिलातर्फ नेपाल आर्मी महिला टिम पहिलो भएको छ भने यूनाइटेड फिक्कल एमटिबि स्क्वार्ड दोस्रो र डुल्वा केटीस तेस्रो भएको छ । उक्त प्रतियोगितामा २१ टिमका ८४ खेलाडी सहभागि रहेका थिए । त्यस्तै पुरुषतर्फको प्रतियोगितामा प्रथम हुनेले रु एक लाख पचास हजार, दोस्रोले रु एक लाख, तेस्रोले रु ७५ हजार, चौथोले रु २५ हजार र पाँचौले रु १५ हजार पुरस्कार प्राप्त गरेका छन् भने महिलातर्फ पहिलो हुनेले रु ७५ हजार, दोस्रोले रु ५० हजार र तेस्रोले रु ३० हजार प्राप्त गरेका छन् ।
प्रकाशित मिति: ३ कार्तिक २०८०, शुक्रबार
