२५ आश्विन २०८०, बिहीबार
काठमाडौं । अर्थविद् डा.अच्युत वाग्लेले अर्थतन्त्रको जटिलता समाधानका लागि सरकारी निकायबीच तालमेल नभएको बताएका छन् । नेपाल उद्योग वाणिज्य महासंघले काठमाडौंमा बिहीबार आयोजना गरेको राष्ट्रिय आर्थिक बहस कार्यक्रममा बोल्दै डा. वाग्लेले अहिले अर्थतन्त्रमा समस्या के हो भन्ने समेत पहिचान नभएको भन्दै त्यसमा सरकारी निकायबीच बेमेल र आपसी सहकार्यको अभाव भएको बताएका छन् । उनले सरकारको नीति र नेपाल राष्ट्र बैंक बीचमा बेमेल देखिएको बताउदै अर्थमन्त्री र गभर्नरको मन त मिल्यो तर नीति नमिलेको कुरा समेत व्यक्त गरेका छन् ।
प्रकाशित मिति: २५ आश्विन २०८०, बिहीबार
