२५ आश्विन २०८०, बिहीबार
काठमाडौं । उद्योग, वाणिज्य तथा आपूर्तिमन्त्री रमेश रिजालले अर्थतन्त्रमा समस्या छ भनेर नकारात्मक प्रचार गरिएको बताएका छन् । नेपाल उद्योग वाणिज्य महासंघले बिहीबार काठमाडौंमा आयोजना गरेको राष्ट्रिय आर्थिक बहस कार्यक्रममा बोल्दै उनले मुलुकको अर्थतन्त्रमा हल्ला गरिए जस्तो समस्या नभएको र जबरजस्ती गलत भाष्य सिर्जना गरिएको बताएका छन् ।
उनले एकले अर्कालाई दोष दिएर समस्याको समाधान नहुने बताए । अर्थतन्त्रको सुधारका लागि सरकार र निजी क्षेत्रबीच सहकार्य हुनुपर्ने बताउनुका साथै ब्याजदर कम गर्न सरकारले पहल गर्नुपर्ने समेत बताएका छन् ।
प्रकाशित मिति: २५ आश्विन २०८०, बिहीबार
