Trending
>>   महाधिवेशनपछि बिग्रिएको खुलामञ्चको स्वरूप फर्काउँदै काँग्रेस, दुबो रोपेर दियो संरक्षणको सन्देश (तस्बिरसहित) >>   आईजीपी हटाउने विषयमा रास्वपाले सरकारलाई कुनै निर्देशन दिएको छैनः प्रवक्ता खरेल >>   रास्वपाको २० सदस्यीय टोली १० दिने चीन भ्रमणमा, तीन विषयमा केन्द्रित हुने >>   लुम्बिनीसँग हारपछि विराटनगर किङ्स प्लेअफ पुग्न असफल >>   गंगासागरमा छठ मनाउँदै निकिता पौडेल, शुरु गरिन् धार्मिक अनुष्ठान >>   मधेसमा परिवर्तन महशुस गराउन नसके अर्को चुनावमा भोट माग्न आउँदिनँः रवि लामिछाने >>   जनकपुरको छठको प्रत्यक्ष साक्षी हुन पाउँदा खुशी लागेको छः रवि लामिछाने >>   एमाले सकियो भन्नेलाई आन्दोलन र निर्वाचनबाट शक्ति देखाउनुपर्छः केपी ओली >>   जेन–जी आन्दोलन षड्यन्त्र हो, काँग्रेस र एमालेका नेताहरूलाई छानीछानी निशाना बनाइयोः देउवा >>   मलाई अब केही बन्नु छैन, पार्टीका लागि अन्तिम सास रहुन्जेलसम्म संघर्ष गर्छुः देउवा
Logo
३० कार्तिक २०८३, सोमबार
३० कार्तिक २०८३, सोमबार

बलिउड अभिनेत्री परिणिती चोपडाले भारतको आम आद्मी पार्टीका सांसद राघव चड्डासँग विवाह गर्दै


काठमाडौं । बलिउड अभिनेत्री परिणिती चोपडाले आइतबार भारतको आम आद्मी पार्टीका सांसद राघव चड्डासँग विवाह गर्दै छिन् । उनीहरुको विवाह समारोह शनिबार राजस्थानको उदयपुरमा सुरु भएको छ । विवाहका लागि होटल लीला र ताजलेक प्यालेस सजाइएको छ । शनिबारको संगीत समारोहका तस्वीर पनि सार्वजनिक भएका छन् । संगीत समारोहमा परिणितीले सिल्भर रङको गाउन लगाएकी थिइन् । जहाँ सांसद चड्डाले कालो सुट लगाए । यस क्रममा पञ्जाबी गायक नवराज हंसले ‘गोरी नाल इश्क मीता’, ‘दिल चोरी साधा हो गया’ जस्ता धेरै गीत गाए । एउटा तस्वीरमा नवराज हंस परिणिती र राघवको छेउमा उभिएर गीत गाउँदै छन् । यसै क्रममा परिणीतिले पनि डान्स गरिन् । यस अवसरमा कार्यक्रममा पञ्जाबका मुख्यमन्त्री भगवन्त मानलगायत धेरै अतिथि उपस्थित थिए । यसअघि शनिबार दिउँसो १ बजे ताजलेक प्यालेसमा राघवको सेहराबन्धी हुनेछ । शनिबार राति सांगीतिक कार्यक्रमको आयोजना गरिएको थियो । जसमा दुवै परिवारका जोडीले ९० को दशकको गीतमा नृत्य गरेका थिए ।

परिणिती चोपडा र राघव चड्ढाले गरे इन्गेजमेन्ट, अक्टोबरमा विवाह – Online Khabar

संगीत समारोहमा पञ्जाबी कलाकारले पञ्जाबी ढोल बजाएका थिए । जसमा राघव र परिणितीले साथीभाइसँग मिलेर भांगडा प्रस्तुत गरे । यस विशेष अवसरमा परिणीतिले राघवका लागि एउटा गीत पनि गाएकी थिइन् । आइतबार दिउँसो सेहराबन्धीपछि चड्ढाको जन्ती टिम ताजलेक प्यालेसबाट होटलको विलासी डुंगामा निस्कनेछ । सबै डुंगालाई शाही शैलीमा सजाइएको छ । त्यसपछि दुलाहा र जन्ती सीधै लीला होटल पुग्नेछन् । विवाह होटल लीला प्यालेसको मुख्य बगैंचामा हुनेछ । पञ्जाबी र राजस्थानी शैलीमा जन्तीलाई स्वागत गरिनेछ ।

स्थानीय प्रहरीले राघवको सुरक्षाका लागि मेवाड भिल कोर बिएमसीका ११ जना सिपाही पनि तैनाथ गरेको छ । विवाह समारोहमा दिल्लीका मुख्यमन्त्री अरविन्द केजरीवाल र पञ्जाबका मुख्यमन्त्री भगवन्त मान पनि सहभागी हुने जनाइएको छ । करण जोहर, वरुण धवन, सानिया मिर्जा, मनिष मल्होत्रा, कपिल शर्मालगायतका कलाकार पनि उदयपुर पुगेका छन् । अभिनेत्री प्रियंका चोपडाले आफ्नो सामाजिक सञ्जाल अकाउन्टमा परिणिती र राघवका लागि सन्देश सेयर गरेकी छन् ।


प्रकाशित मिति: ७ आश्विन २०८०, आईतवार

यो खबर पढेर तपाईलाई कस्तो महसुस भयो ?