२३ भाद्र २०८०, शनिबार
२३ भदाै, धरान । धरान उपमहानगरपालिकाका मेयर हर्क साम्पाङले प्रश्न गरेकै आधारमा एक युवकलाई थुनाएका छन् ।
शुक्रबार लागु औषधविरुद्ध सचेतना अभियान सञ्चालन गरिरहेका बेला धरान-१५ का अशोक लिम्बूले साम्पाङलाई धरानमा मान्छे डेंगीले बिरामी भएको तर तपाईं चाहिँ फोटो खिचाउँदै हिँड्ने? भन्दै प्रश्न गरेका थिए । तर, मेयर साम्पाङले भने उनले ‘विरोध गरेको’ टिप्पणी गरेका थिए ।
त्यसपछि, मेयर साम्पाङको निर्देशनमा नगर प्रहरीले अशोकलाई पक्राउ गर्छन् । नगर प्रहरीले पक्राउ गरेर अशोकलाई इलाका प्रहरी कार्यालयको जिम्मा लगाएको थियो ।
अशोकले स्वतन्त्रताको नाममा अराजकता फैलाएको भन्दै पक्राउ गरेर प्रहरीको जिम्मा लगाएको भन्दै मेयर साम्पाङले फेसबुकमा स्टाटस लेखेका छन् ।
प्रकाशित मिति: २३ भाद्र २०८०, शनिबार
