७ फाल्गुन २०७९, आईतवार
बर्दघाट ः नवलपरासी पश्चिमको सर्वाधिक राशीको सातौं सूर्यनगर गोल्डकप प्रतियोगिताको उपाधि सशस्त्र प्रहरी बल (एपीएफ)को टिमले जितेको छ । आइतबार बर्दघाट नगरपालिकाको सूर्यनगर रंगशालामा सम्पन्न फाईनल खेलमा एपीएफले बाग्मती क्लब, सर्लाहीलाई ट्राईबेकरमा हराएको हो । निर्धारित समयमा खेल २–२ को बराबरीमा सकिएपछि ट्राई बेकरबाट उपाधिको छिनोफानो भएको हो । ट्राई बेकरमा एपीएफले बागमती क्बललाई ५–३ को गोल अन्तरले पराजित गर्दै उपाधि जितेको हो ।
उपाधिसँगै एपीएफले ट्रफिसहित ५ लाख नगद हात पारेको छ भने उपविजेता बाग्मतीले ३ लाख रुपैयाँ प्राप्त गरेको हो ।
समापन खेलमा पुरस्कार वितरण गर्र्दै नवलपरासी पश्चिम क्षेत्र नं. १ का संसद विनोद कुमार चौधरीले नवलपरासी पश्चिमको खेलकुद विकासका लागि आफूले सहयोग गर्ने बताए । उनले सूर्यनगर खेलमैदानमा भएका अधुरा कार्यलाई पूर्णता दिन पहल गर्ने प्रतिवद्धता जनाए ।
कार्यक्रममा संघीय सांसद सरिता खनाल भुषालले सूर्यनगर गोल्डकपलाई थप विकास गर्न आफूले पनि सहयोग गर्ने बताइन् ।
प्रकाशित मिति: ७ फाल्गुन २०७९, आईतवार
