२१ भाद्र २०८०, बिहीबार
२१ भदाै, बैतडी । बैतडीको तल्लोस्वराड क्षेत्रमा चितुवाको आक्रमणमा परी पञ्चेश्वरकी एक युवती गम्भीर घाइते भएकी छन् । पञ्चेश्वर गाउँपालिका–३, बगरेडीमा बिहीबार बिहान ११ : ५० बजे चितुवाको आक्रमणमा परी १७ वर्षीय किशोरी पूजा लोहार गम्भीर घाइते भएकी हुन् ।
गम्भीर घाइते किशोरीको अवस्था बुझ्न स्वास्थ्यकर्मीको टोली लिएर गाउँपालिका अध्यक्ष घटनास्थल पुगेका छन् । गाउँपालिका अध्यक्ष गोरखबहादुर चन्दले चितुवाको आक्रमणमा परेर युवती गम्भीर घाइते भएर बेहोस अवस्थामा रहेको बताए । युवतीको सास चलिरहेकाले स्वास्थ्यकर्मीको टोली लिएर घटनास्थलतर्फ गइरहेको उनले बताए ।
बैतडीमा गएको १० वर्ष यता चितुवाको आक्रमणमा परी २७ जनाले ज्यान गुमाइसकेका छन् ।
प्रकाशित मिति: २१ भाद्र २०८०, बिहीबार
