२० भाद्र २०८०, बुधबार
२० भदाै, काठमाडाैँ । नेपाली कांग्रेसका सहमहामन्त्री महेन्द्र यादवमाथि गरिएको आक्रमणको भर्त्सना गरेको छ । तरूण दलका अध्यक्ष विद्वान गुरूङले एक विज्ञप्ती जारी गर्दै गुन्डागर्दी शैलिमा आक्रमण हुँदा प्रहरी प्रशासन मुकदर्शक बनेको बताएका छन् ।
उनले दोष नभएका व्यक्तिलाई प्रहरीले पक्राउ गर्ने प्रहरीले दिउसै हातहतियार सहित हिडडुल गर्ने व्यक्ति चिन्न नसकेको अवस्थामा तरूण दल अब चुप लागेर नबस्ने बताएका छन् ।
हरेक समय नेपाली काङ्ग्रेसको प्रभावशाली नेताहरुहरुलाइ छानी छानी आक्रमण गर्ने यो मनस्थितिको विषयमा तरुण दलले नेपाल सरकारको प्रधानमन्त्री एवं नेपाल सरकार गृहमन्त्रीको गम्भीर ध्यानाकर्षण गराउने पनि उनले बताएका छन् ।
‘नेपाल तरूण दलको संयमतामाथि यदी कोही व्यक्ति, संस्था लाग्छ भने यो राष्ट्रमा आँधी बेहरीको मुचुल्का उठ्नेछ र हुनसक्ने परिस्थितिको जिम्मेवार स्वयं नेपाल सरकार एवं गृहमन्त्रीरहेको जानकारी गराउँदछौँ ।’ विज्ञप्तीमा भनिएको छ ।
बुधबार कांग्रेसका सहमहामन्त्री यादवमाथि भृकुटिमण्डपमा खुकुरी प्रहार गरिएको थियो । अहिले उनको ट्रमा सेन्टरमा उपचार भइरहेको छ ।
प्रकाशित मिति: २० भाद्र २०८०, बुधबार
