११ भाद्र २०८०, सोमबार
११ भदाै, कैलाली । पत्थरीको अपरेशनका क्रममा कैलालीको धनगढीस्थित स्वस्तिक कार्डियो एन्ड मल्टिस्पेसियालिटी अस्पतालमा बिरामीको मृत्यु भएको छ ।
पत्थरीको अपरेशन गर्दा मिर्गाैला निकालिएपछि कञ्चनपुरको बेलौरी नगरपालिका–१०, शिवनगरका ५७ वर्षीय ऐजनलाल चौधरीको मृत्यु भएको हो । उनी शनिबार दिउँसो सो अस्पतालमा भर्ना भएका थिए ।
उनको दुवै मिर्गौलामा ११ र ९ एमएमका दुई पत्थरी देखिएको थियो । उनको शनिबार नै पीसीएनएल बाट बायाँ मिर्गौलामा रहेको पत्थरी झिकिएकोे थियो । सोही दिनको साँझ निरन्तर रगत बगेपछि उनी बेहोस भएका थिए ।
तर, मृतकका आफन्तले भने मिर्गाैला झिकेपछि चिकित्सकको लापरबाहीका कारण चाैधरीको मृत्यु भएको आरोप लगाएका छन् ।
यद्यपी, चिकित्सकहरूले भने रक्तश्राव नरोकिएपछि मिर्गाैला निकालिएको तर लापरबाही नगरिएको बताएका छन् ।
प्रकाशित मिति: ११ भाद्र २०८०, सोमबार
