१० भाद्र २०८०, आईतवार
१० भदाै, काठमाडाैँ । नेपाली क्रिकेट टोलीका पूर्वकप्तान सन्दीप लामिछानेविरूद्धको जबरजस्ती करणीको मुद्दामा आजदेखि सुनुवाइ हुने भएको छ।
जिल्ला अदालत, काठमाडौँमा आज आइतबार सुनुवाइकाे लागि उनको मुद्दामा पेशी तोकिएको हो ।
सर्वाेच्च अदालतले ‘फास्ट ट्र्याक’बाट मुद्दा सकाउन आदेश दिएपछि आजलाई अन्तिम सुनुवाइको पेशी तोकिएको जानकारी दिइएको छ ।
लामिछानेविरूद्ध गत कात्तिक १४ गते जिल्ला अदालत, काठमाडौँमा जबरजस्ती करणीको मुद्दा दायर भएको थियो ।
नेपाली क्रिकेट टोली पाकिस्तानमा एसिया कपको तयारी गरिरहँदा सन्दीप भने गएका छैनन् । उनी आजको सुनुवाइसँगै आज नै पाकिस्तान जाने तयारी भएको बताइएको छ ।
प्रकाशित मिति: १० भाद्र २०८०, आईतवार
