२६ श्रावण २०८०, शुक्रबार
२६ श्रावण, काठमाडाैँ । काठमाडाैँमा ठूलो परिमाणमा नक्कली नोट सहित ९ जना पक्राउ परेका छन् । ५२ लाख भन्दा बढी नेपाली नक्कली नोटसहित पक्राउ परेकाहरूलाई प्रहरीले सार्वजनिक गरेको हो ।
पक्राउ पर्नेमा सिन्धुपाल्चोकका सुशील कार्की, शिव भण्डारी, अर्जुन सुवेदी, मिलन भण्डारी, कृष्ण भण्डारी, झापाका युवराज राई, अछामका अर्जुन बुढा, गुल्मीका सागर आचार्य र पार्वती नेपाली रहेका छन् ।
बिहीबार थानकोटबाट पर्यटक गाडीमा पठाइएको नक्कली ३६ लाख रुपैयाँ बरामद भएको र त्यसको थप अनुसन्धान गर्दै जाँदा उनीहरू पक्राउ परेको प्रहरीले जानकारी दिएको छ ।
कारोबारीहरुले भक्तपुरको चाँगुनारायणमा नक्कली नोट बनाउने कारखाना नै सञ्चालन गरेको पाइएको छ ।
प्रकाशित मिति: २६ श्रावण २०८०, शुक्रबार
