सडेगलेको अवस्थामा महिलाको शव फेला

२० श्रावण, धनुषा । धनुषामा सडेगलेको अवस्थामा एक महिलाको शव फेला परेको छ । जिल्लाको मिथिला नगरपालिका–५, औरहीथान सामूदायिक वनमा सडेगलेको अवस्थामा शुक्रबार साँझ एक महिलाको शव फेला परेको प्रहरीले जानकारी दिएको छ ।

इलाका प्रहरी कार्यालय ढल्केवरका प्रहरी निरीक्षक कवीन राईले शव कुहिएको अवस्थामा फेला परेको हुँदा पहिचान गर्न नसकिएको बताए । जङ्गल पुगेका स्थानीयले शव देखेपछि प्रहरीलाई खबर गरेका थिए । खबर पाएलगतै घटनास्थल पुगेका प्रहरी टोलीले शवलाई पोष्टमार्टमका लागि प्रादेशिक अस्पताल जनकपुर पठाएको छ ।

केही दिन अगाडि मृत्यु भएको हुन सक्छ, शरीर कुहिएको हुँदा पहिचान गर्न सकिएको छैन, प्रहरी निरीक्षक राईले भने, ‘‘जिल्लामार्फत जिल्ला मातहतका प्रहरी कार्यालयलमा खबर गरिएको छ, अहिलेसम्म कुनै मानिस हराएको निवेदन परेको छैन ।’’