१६ श्रावण २०८०, मंगलवार
१६ श्रावण, काठमाडाैँ । नेपाली कांग्रेस काठमाडाैँ महानगर सभापति निलकाजी शाक्य नेतृत्वको टोलीले पार्टी सभापति शेर बहादुर देउवालाई अन्तरमहानगर पदाधिकारीहरुको बैठकको निर्णय सहितको ज्ञापन पत्र बुझाएको छ ।
मंगलबार देउवाको निवास धुम्बाराहीमा पुगेर ज्ञापन पत्र बुझाउँदै महानगर समितिले पार्टीले मर्यादाक्रममा विभेद गरेको भन्दै मर्यादाक्रममा अन्याय नगर्न पार्टी नेतृत्वसँग माग गरेको छ । काठमाडौं, ललितपुर, भरतपुर, विराटनगर, पोखरा र वीरगञ्ज महानगर समितिको संयुक्त बैठक बसेर मर्यादाक्रमको विभेद हटाउन माग गरिएको हो ।
उक्त क्रममा सभापति देउवाले मूख्यसचिव कृष्ण पौडेललाई पार्टी कार्यालयमा बुझाउँदै यसबारे आवश्यक कारबाही अगाडी बढाउन निर्देशन दिएका छन् ।
अब महानगर समितिले महामन्त्रि द्वय र अन्य पदाधिकारीहरूलाई पनि यस विषयमा ज्ञापनपत्र बुझाउने जानकारी दिएको छ ।
प्रकाशित मिति: १६ श्रावण २०८०, मंगलवार
