११ श्रावण २०८०, बिहीबार
११ श्रावण, काठमाडाैँ । इटालीको भ्रमणमा रहेका प्रधानमन्त्री पुष्पकमल दाहाल प्रचण्डले इटालीयन फुटबल क्लब एएस रोमाको मैदानमा अवलोकन गरेका छन् ।
भ्रमण मण्डलका सदस्यहरू सहितको टोलीले रोमाको मैदान स्टाडियो ओलम्पिकोको अवलोकन गरेका हुन् । उक्त भ्रमणका क्रममा प्रधानमन्त्री प्रचण्डले एएस रोमाको फुटबल संग्रहालयको पनि अवोलकन गरेका थिए ।
क्लबका प्रतिनिधिले प्रधानमन्त्री प्रचण्डलाई क्बलको इतिहासबारे जानकारी दिएका थिए ।
रोमा इटालीयन पूर्व लिग च्याम्पियन क्लब हो । रोमाको घरेलु मैदान स्टाडियो ओलम्पिकोको दर्शक क्षमता ७० हजार रहेको छ । गत सिजन रोमा लिगको छैठाैँ स्थानमा रहेको थियो ।
संयुक्त राष्ट्र संघको खाद्य तथा कृषि संगठनको मुख्यालयमा आयोजना भएको युनाइटेड नेसन्स फुड सिस्टम २०२३ स्टकिङ मोमेन्टमा सहभागी हुन इटलीको रोममा रहेका प्रधानमन्त्री दाहाल शुक्रबार स्वदेश फर्किँदैछन् ।
प्रकाशित मिति: ११ श्रावण २०८०, बिहीबार
