७ श्रावण २०८०, आईतवार
७ श्रावण, काठमाडाैँ । नेपाली कांग्रेसका नेता डा. शेखर कोइरालाले समानुपातिक निर्वाचन प्रणालीबाट राम्रो प्रतिनिधित्व दिन नसकिएको बताएका छन् ।
आइतबार नेपाली कांग्रेसको जारी केन्द्रीय समिति बैठकमा बोल्दै कोइरालाले निर्वाचन प्रणाली फेर्ने अगुवाइ गर्न समेत प्रस्ताव गरेका छन् ।
“साथीहरूलाई अप्रिय लाग्ला तर, समानुपातिक निर्वाचन प्रणालीबाट राम्रो परिणाम दिन सकिएन । प्रत्यक्ष निर्वाचनभित्रैबाट समानुपातिक, समावेशी प्रतिनिधित्व सुनिश्चित गर्न सकिन्छ । कांग्रेसले नै यसको निकास दिन सक्नुपर्छ ।” उनले भने ।
उनले कांग्रेसले अगुवाइ नगर्दासम्म यसको सुधार पनि सम्भव नभएको समेत दाबी गरे । उनले विभिन्न क्षेत्रका विज्ञहरूलाई पार्टीमा काम गर्ने अवस्था निर्माण गर्नुपर्ने तर्क समेत राखे ।
प्रकाशित मिति: ७ श्रावण २०८०, आईतवार
