५ श्रावण २०८०, शुक्रबार
५ श्रावण, काठमाडाैँ । प्रधानमन्त्री प्रचण्ड भोली युरोपियन मुलुक इटाली जाने भएका छन् ।
इटालीमा आयोजना हुने संयुक्त राष्ट्रसंघको ‘फुड सिस्टम्स समिट प्लस टु’ कार्यक्रममा सहभागी हुन प्रधानमन्त्री त्यसतर्फ जान लागेको परराष्ट्र मन्त्रालयले जानकारी दिएको छ ।
प्रधानमन्त्रीसँगै गंगा दाहाल, कृषिमन्त्री वेदुराम भुषाल, राष्ट्रिय योजना आयोगका सदस्य डा. जयकान्त राउतलगायत पनि उक्त भ्रमणमा सहभागी हुने बताइएको छ ।
संयुक्त राष्ट्रसंघको कार्यक्रम श्रावण ८ देखि १० गतेसम्म आयोजना हुने र उक्त कार्यक्रमपछि त्यहाँ रहेका नेपालीहरूसँग प्रधानमन्त्री प्रचण्डले अन्तरक्रिया गर्ने कार्यक्रम रहेको छ ।
प्रधानमन्त्री प्रचण्ड श्रावण १२ गते स्वदेश फर्किनेछन् ।
प्रकाशित मिति: ५ श्रावण २०८०, शुक्रबार
