नेविसंघको निर्देशनः वृक्षारोपण गर्दा मलजलको समयावधि तोकर बोटविरुवाको संरक्षण गर्नु

५ ,श्रावण ,काठमाडौँ । नेपाल विद्यार्थी संघले वृक्षारोपण गर्दा औपचारीकतामा मात्रै सिमित नगर्न निर्देशन दिएको छ । अध्यक्ष दुजाङ शेर्पाले देशभरका नेविसंघका समितिलाई परिपत्र गरि यस्तो निदेंशन दिएका हुन् ।

परिपत्रमा विभिन्न अबसर पारेर गरिने वृक्षारोपणपछि बोटबिरुवाको संरक्षण हुने नगरेको भन्दै यस्तो निर्देशन दिएको हो । विभिन्न अवसरहरू पारी आयोजना गर्दै आएको वृक्षारोपण कार्यक्रमहरूको सराहना गर्दै अब उपरान्त गरिने हरेक वृक्षारोपण कार्यक्रममा रोपिने बोटविरुवाको संख्या, जाति तथा मलजल गर्नुपर्ने समयावधि आदि उल्लेख गरी विवरणहरू केन्द्रीय समितिलाई पठाउनु परिपत्रमा भनिएको छ ।