२९ असार २०८०, शुक्रबार
२९,असार ,काठमाडौँ । नेकपा एकीकृत समाजवादीको सचिवालय बैठक बसिरहेको छ । कीर्तिपुरस्थित पुष्पलाल स्मृति पार्कमा १२ बजेदेखि जारी बैठकमा एक वर्षे पार्टी संगठन सुदृढ अभियानको समीक्षा गर्ने सो पार्टीका नेताहरुले बताएका छन् ।
बैठकमा यो बीचमा कतिपय नेता कार्यकर्ताले पार्टी छोडेकाले उक्त स्थानमा अन्य नेताहरुलाई जिम्मेवारी दिने विषयमा समेत छलफल हुने उपाध्यक्ष राजेन्द्र पाण्डेले बताए ।
एमालेबाट समाजवादी पार्टी गठन गर्दा साथ दिएका मुकुन्द न्यौपाने, केदार न्यौपाने, चुडामणी जंगलीलगायतले केही समयअघि पार्टी छाडेका थिए । बैठक तीन दिनसम्म चल्ने नेताहरुले जानकारी दिएका छन् ।
प्रकाशित मिति: २९ असार २०८०, शुक्रबार
