८ असार २०८०, शुक्रबार
८ असार, काठमाडाैँ । काठमाडौं महानगरका १२ जना नगर प्रहरीलाई कारबाही गरिएको छ । सर्वसाधारणप्रति अभद्र तथा अपमानजनक व्यवहार गरेको भन्दै महानगरले उनीहरूलाई कारबाही गरेको हो ।
महानगरका नगर प्रहरी प्रमुख राजुनाथ पाण्डेले नगर प्रहरीले असहज व्यवहार गरेको भेट्टाएपछि कारबाही गरिएको जानकारी दिएका छन् ।
फुटपाथ तथा सडकपेटीका व्यापार तथा सामान राखेर अवरोध गरेकाहरूलाई नगर प्रहरीले अपमानजनक व्यवहार गरेको पाइएको छ । पछिल्लो समय महानगर प्रहरीले ठेलामा व्यापार गरिरहेकाहरूलाई दुर्व्यवहार गरेको भिडियो सामाजिक सञ्जालमा भाइरल भइरहेका छन् ।
सर्वसाधारणहरूले पनि महानगर प्रहरीको व्यवहारप्रति आक्रोश व्यक्त गरिरहेका छन् ।
प्रकाशित मिति: ८ असार २०८०, शुक्रबार
