४ असार २०८०, सोमबार
४ असार, विराटनगर । प्रधानमन्त्री पुष्पकमल दाहाल प्रचण्ड सवार हेलिकप्टर विराटनगरमा आकस्मिक अवतरण गरेको छ । बाढीपहिरो प्रभावित क्षेत्रको निरीक्षण गर्न प्रधानमन्त्री सहितको टोली सवार हेलिकप्टर विराटनगरमा आकस्मिक अवतरण गरेको हो ।
संखुवासभाको तुम्लिङटारबाट सोमबार दिउँसो पाँचथरतर्फ उडेको हेलिकोप्टर प्रतिकूल मौसमका कारण विराटनगरमा आकस्मिक अवतरण गरेको जानकारी दिइएको छ ।
गत शनिबारदेखि परेको अविरल वर्षाका कारण क्षति भोगेका ताप्लेजुङ, भोजपुर र पाँचथरको निरीक्षण गर्न प्रधानमन्त्री, उपप्रधान तथा गृहमन्त्री नारायणकाजी श्रेष्ठ सहितको टोली पुगेको थियो।
प्रकाशित मिति: ४ असार २०८०, सोमबार
