४ असार २०८०, सोमबार
४ असार, पाँचथर । अविरल वर्षाका कारण खोलामा आएको बाढीपहिरो जोखिमका कारण जिल्लाको याङवरक –१ फेदिमा फसेका १२ जनाको नेपाली सेनाको हेलिकोप्टरमार्फत उद्धार गरिएको छ ।
उद्धार गरिएकामा याङवरक –१ निवासी नरमाया गुरुङ, सन्दीप गुरुङ, हिमा गुरुङ, कृष्ण गुरुङ, डिकमाया गुरुङ, काजुहाङ गुरुङ, सुनिता गुरुङ, मनबहादुर गुरुङ, सुस्मा गुरुङ, पदमबहादुर खालिङ र मनमाया खालिङ छन् ।
तीन दिनदेखि फसेका उनीहरूको सोमबार बिहान उद्धार गरिएको पाँचथर जिल्लाका प्रहरी प्रमुख हरि खतिवडाले जानकारी दिएका छन् । प्रहरी प्रमुख खतिवडाका अनुसार उद्धार गरिएका सबै जनालाई च्याङथापु बजारमा स्थानान्तरण गरिएको छ ।
प्रकाशित मिति: ४ असार २०८०, सोमबार
