३२ जेष्ठ २०८०, बिहीबार
३२ जेठ, काठमाडाैँ । कलाकार मरिचमान श्रेष्ठ पक्राउ परेका छन् ।
‘बल्छी ध्रुबे’ नामले चर्चित कलाकार श्रेष्ठ प्रतिबन्धित अनलाइन बेटिङ एप ‘वान एक्स बेट’को विज्ञापन गरेको आरोपमा पक्राउ परेका हुन् ।
प्रहरीले दिएको जानकारी अनुसार ‘वान एक्स बेट’मा सट्टेबाजी गर्ने र त्यसको विज्ञापन गरेको आरोपमा काठमाडौं उपत्यका अपराध अनुसन्धान कार्यालयले ८ जनालाई पक्राउ गरेको थियो ।
सोही ८ जनामध्येमा बल्छी ध्रुबे पनि परेको जानकारी दिइएको छ ।
पछिल्लो समयमा युट्यबमा धेरै सब्स्क्राइबार भएकाहरूले नेपालमा प्रतिबन्धित वेटिङ साइट ‘वान एक्स बेट’को प्रमोसन गरिरहेका छन् ।
प्रकाशित मिति: ३२ जेष्ठ २०८०, बिहीबार
