८ जेष्ठ २०८०, सोमबार
८ जेठ, काठमाडाैँ । नक्कली भुटानी शरणार्थी प्रकरणमा पक्राउ परेका नेपाली पूर्वगृहमन्त्री बालकृष्ण खाँणको मोबाइलमा घटनासँग सम्बन्धित प्रमाण नरहेको पाइएको छ ।
प्रहरीले प्राप्त डिजिटल जाँच रिपोर्टमा उक्त प्रकरणमा सम्बन्धित कुनै जानकारी नरहेको प्रहरीले जानकारी दिएको हो ।
नक्कली भुटानी शरणार्थी बनाउने काममा संलग्न भएको भन्दै प्रहरीले खाँणलाई बैशाख २७ पक्राउ गरेको थियो । पक्राउ पर्नुभन्दा पहिले नै उनको मोबाइल फर्म्याट भएको पाइएपछि थप जाँचका लागि मोबाइल डिजिटल ल्याबमा पठाइएको थियो ।
नक्कली भुटानी शरणार्थी प्रकरणमा खाँण र नेकपा एमालेका सचिव टोप बहादुर रायमाझी सहित १६ जना पक्राउ परेका छन् । प्रहरीले प्रारम्भिक अनुसन्धान सकेर राय सहितको प्रतिवेदन सरकारी वकिलको कार्यालमा बुझाइसकेको छ ।
प्रकाशित मिति: ८ जेष्ठ २०८०, सोमबार
