७ जेष्ठ २०८०, आईतवार
७ जेठ, काठमाडाैँ । नेकपा एमालेका अध्यक्ष केपी शर्मा ओलीले नक्कली भुटानी शरणार्थी प्रकरणमा कसैलाई पनि जोगाउन नलागेको बताएका छन् ।
आइतबार प्रतिनिधिसभामा बोल्दै ओलीले तीन दलका शीर्ष नेताहरूको बैठक कसैलाई जोगाउनका लागि नभएको बताएका हुन् ।
उनले संसद्मा भने, ‘म तीन दलको बैठकमा बचाइदेऊ भनेर म्याउँम्याउँ गर्न गएको होइन। अरू दुईजना चाहिँ दूधले नुहाएको मात्रै होइन, दूधको कुण्डमै नुहाएका हुन्। ममाथि चाहिँ प्रश्नै प्रश्न?’
ओलीले सरकार निर्दोषलाई फसाएर दोषीलाई उम्काउन सरकार लागि परेको आरोप लगाउँदै भने, ‘कोही पनि दोषीलाई उम्काउने काम नहोस्, निर्दोष फसाउने काम नहोस्। यसमा सरकारले हस्तक्षेप गर्न आवश्यक छैन ।’
पछिल्लो समय नक्कली भुटानी शरणार्थी प्रकरणमा पार्टीका ठूला नेताहरू पक्राउ परेपछि बारम्बार भइरहेको तीन दलका शीर्ष नेताको बैठकबारे प्रश्नहरू उठीरहेका थिए।
प्रकाशित मिति: ७ जेष्ठ २०८०, आईतवार
