२९ बैशाख २०८०, शुक्रबार
२९ वैशाख, काठमाडाैँ । बलिउड स्टार आमिर खान भारत फर्किएका छन् । विपश्यना (ध्यान) बीचमै छाडेर उनी शुक्रबार स्वदेश फर्किएका हुन् ।
गत आइतबार १० दिन विपश्यना बस्ने भन्दै आमिर खान नेपाल आएका थिए । उनको ध्यान शिविर १८ मे मा सकिने तालिका थियो । यद्यपी, उनले किन बिचमै ध्यान छाडेर स्वदेश फर्किए भन्ने खुलाइएको छैन ।
भारतमा चर्चित अभिनेतामध्ये आमिर खान पनि एक पर्छन् । समाजमा राम्रो सन्देश प्रवाह गर्ने खालमा फिल्ममा अभिनय गर्ने भएका कारण उनको छुट्टै पहिचान छ ।
३ इडियट्स, रंग दे बसन्ती, पिके, तारे जमिन् पर लगायत उनका दर्जनाैँ चर्चित फिल्म रहेका छन् ।
प्रकाशित मिति: २९ बैशाख २०८०, शुक्रबार
