२८ बैशाख २०८०, बिहीबार
२८ वैशाख, काठमाडाैँ । नेकपा एमालेका अध्यक्ष केपी शर्मा ओलीले आगामी जेठ चार गतेसम्म नक्कली भुटानी शरणार्थी प्रकरणमा को–को संलग्न भएको भन्ने तथ्य खोल्ने बताएका छन् ।
बिहीबार केन्द्रीय समिति बैठकलाई सम्बोधन गर्दै ओलीले यो प्रकरणमा आफुले पनि तथ्यहरू खोजिरहेको बताएका हुन् ।
‘सम्भवत म चार गते पार्लियामेन्टमा बोल्छु । चार गते मैले संसदमा बोल्ने बेलासम्ममा कुन शरणर्थीका नाममा कहाँको को मान्छे नक्कली शरणार्थी बनाएर पठाइयो ? कसले पठायो ? को संलग्न छ समेतको मैले तथ्य प्रस्तुत गर्ने कोशिस गर्छु’, ओलीले भनेका छन् ।
प्रकाशित मिति: २८ बैशाख २०८०, बिहीबार
