२४ बैशाख २०८०, आईतवार
२४ वैशाख, मुगु । मुगुमा यार्सा टिप्न गएका ३ जनाको मृत्यु भएको छ । मुगुको च्यार्खु लेकमा हिउँ पहिरामा परेर जुम्लाको पातारासी गाउँपालिकाका तीन जनाको घटनास्थलमै मृत्यु भएको हो ।
मृत्यु हुनेमा पातारासी-२ तल्फीगाउँका ४० वर्षीय तारासिंह सार्की, ३६ वर्षीय पुन्न सार्की र ३६ वर्षीय वीर बोहोरा रहेका छन् ।
उनीहरू १५ जनाको टोलीमा यार्सा टिप्नका लागि गएका थिए । ती मध्ये २ जना सकुशल रहेको र अन्य सामान्य घाइते भएको बताइएको छ ।
प्रकाशित मिति: २४ बैशाख २०८०, आईतवार
