१९ बैशाख २०८०, मंगलवार
१९ वैशाख, काठमाडाैँ । रवि लामिछानेका सवारी चालक दिलबहादुर थापाको मृत्यु भएको छ । चितवनमा घरको छतबाट खसेर घाइते भएका थापाको उपचारको क्रममा ललितपुरको मेडिसिटी अस्पतालमा मृत्यु भएको हो ।
उनको करीब २ बजेतिर मृत्यु भएको जनाइएको छ । आफन्तले उनको शव अस्पतालबाट लिएर गएको पनि बताइएको छ ।
गत वैशाख ४ गते चितवनमा एक घरको छतबाट खसेर थापा सिकिस्त घाइते भएका थिए । पहिले चितवन मेडिकल कलेजमा उपचार गरिएता पनि थप उपचारका लागि उनलाई एयरलिफ्ट गरी मेडिसिटी अस्पताल ल्याइएको थियो ।
गत वैशाख १० गते भएको उपनिर्वाचनबाट रवि लामिछाने सांसदमा निर्वाचित भएका छन् । लामिछानेको चुनावी कार्यक्रममा थापा अहोरात्र खटिएका थिए ।
प्रकाशित मिति: १९ बैशाख २०८०, मंगलवार
