१२ बैशाख २०८०, मंगलवार
१२ वैशाख, चितवन । राष्ट्रिय स्वतन्त्र पार्टीका सभापति तथा उम्मेदवार रवि लामिछाने ३५ हजार १४९ मतान्तरले अगाडि रहेका छन् ।
निर्वाचन क्षेत्र नम्बर २ को इच्छाकमना गाउँपालिका र भरतपुर महानगरपालिका १० वटा वडा गणना सकिएको छ । कालिका नगरपालिकाका वडाहरूमा गणना चलिराखेको छ । ६० हजार ६७३ मतगणना हुँदा लामिछाने प्रतिस्पर्धीभन्दा ३५ हजार १४९ मतले अगाडि छन् ।
अब गणना हुन बाँकी मत १७ हजार ६०४ छ । अघिल्लो निर्वाचनमा लामिछानेले ४९ हजार ३०० मत ल्याएका थिए ।
अहिलेको निर्वाचनको मतलाइ हेर्दा मङ्सिरको भन्दा धेरै मत लामिछानेलाई खसेको देखिन्छ ।
नेपाली काङ्ग्रेसका उम्मेदवार जितनारायण श्रेष्ठले ७ हजार ९५२ मत ल्याउँदा एमालेका रामप्रसाद न्यौपानेले ७ हजार ७८७ मत पाउनुभएको छ । निर्वाचनमा ७८ हजार २७७ मत खसेको थियो ।
प्रकाशित मिति: १२ बैशाख २०८०, मंगलवार
